The Door with Seven Locks er spennusaga eftir enska rithöfundinn Edgar Wallace (1875-1932), en hann var einn afkastamesti rithöfundur 20. aldarinnar.

Rannsóknarlögreglumaðurinn Dick Martin, sem einnig er liðtækur vasaþjófur, dregst inn í rannsókn dularfulls máls þar sem við sögu koma aðalsmaður á faraldsfæti, dularfullur vísindamaður og lyklar að leyndardómsfullu grafhýsi. Sér til aðstoðar við lausn málsins hefur hann m.a. yfirmann sinn sem helst ekki vill hreyfa sig frá skrifborðinu, heillandi bókavörð og skrautlega kumpána með langa sakaskrá.